فنون

المطرب مينا عطا يعلن زواجه من فتاة خارج الوسط الفنى

الأربعاء، 08 أغسطس 2018 10:33 م
 المطرب مينا عطا يعلن زواجه من فتاة خارج الوسط الفنى

نشر المطرب مينا عطا تعليقا عبر صفحته على موقع التواصل الاجتماعى فيسبوك يعلن عن زواجه قريبا من فتاة خارج الوسط الفنى. 
حيث كشف مينا عطا قصة حبه مع هذه الفتاة قائلا : "فاكرين يوم ما غنيت فى ستار اكاديمى (الايڤال الرابع بتاع الامنيات) اغنية لا تروحى وكانت امنيتى ان البنت الوحيدة اللى حبتها فى حياتى ترجعلى ونكمل حياتنا سوا! الحمدلله من نعم ربنا عليا النهاردة انى اقدر اقول اننا رجعنا لبعض واتخطبنا كمان وفرحنا بإذن الله قرب اولا عاوز دعوة حلوة منكم لينا وثانيًا هما كلمتين احسن من ٢٠٠ عشان مابحبش اطول" .

واضاف مينا قائلا : " لو ليك هدف ، امنية ، حلم امسك فيه بايديك وسنانك واوعى تقول مستحيل او مش هيحصل لان ربنا كبير اوى و عالم بنيتك و حالك و بيديك دايمًا اللى انت محتاجه و المناسب ليك فى الوقت المناسب "، اما بالنسبة لعشرة ال ١١ سنة حب واللى استحملتنى كتير ووقفت جمبى زمان كتير اوى قبل اى شهرة وقبل كل حاجة ايام ما كانت بجد الحياة سودة ومتقفلة ف وشى ومش عارف احقق اى حاجة احب اقولك (لو لفيت الدنيا كلها والله العظيم عمرى ما هلاقى زيك و عمرى ما حبيت و لا هحب و لا عرفت حب بجد يعنى ايه غير معاكى ، انتى كل حاجة فى حياتى).
 
 
 

لا توجد تعليقات على الخبر
اضف تعليق
سوبر كورة
الأسبوع
سوبر كورة